Hoërskool Ben Vorster | Tzaneen Hoërskool | Tzaneen High School

Nuus

 Vossies gooi appelkar omver!

 29 May 2019 @ 00:00:00

Die Vossies het die afgelope naweek teen Hoërskool Marais Viljoen te staan gekom in die Virseker Beker Afdeling 1 Plaat. Die Hoërskool Ben Vorster is die enigste skool in Limpopo wat in hierdie afdeling meeding tussen die Top 16 spanne van die Noord-Vaal. 

 

Die Vossies se junior spanne het gesukkel tussen die koue van die Hoëveld en eksamenkoors. Die O/14A- en B-span het ongelukkig vasgeval teen hulle eweknie. Die kapein, DA Swart, was weer op sy plek en het gelei van voor en Marno Jacobs was vurig op die teen aanval vir die Vossie. Die Vossies se O/15A-span het ’n groot vertoning opgesit om terug te kom van 22-7 na ‘n 21-22 verloor. Die O/15B-span het die oggenddou skoon gevee vir die dag, maar ongelukkig 29-0 verloor. Die Vossie se O/16's het tot dusver ‘n droomseisoen beleef, maar was Saterdag glad nie op hulle plek nie.  Beide die O/16-spanne het hulle teen ‘n begeesterde Marais Viljoen span vasgeloop. 

 

Die Vossies se 3de span moes sonder die meeste van hulle staatmakers klaar kom as gevolg eksamenverpligtinge en het met ‘n stoepspan van ouds nie teruggestaan vir die Marais Viljoen manne nie. Die Vossies se 2de span was so gevaarlik soos ‘n gewonde buffel bul - hulle het van enige plek op die veld ‘n teenaanval geloods en die Marais Viljoen manne moes bont staan en het nie meer geweet waar om te keer nie.  Die telling was 50-12. 

 

Die Vossies se 1ste span het die appelkar omver gegooi deur die Marais Viljoen manne by die huis te klop. Die Vossies se verdediging was so goed soos die bokke s’n in die 1995 se Wêreldbeker. Die Vossies het ‘n paar taktiese skuiwe gemaak wat duidelik vrugte afgewerp het. Die lostrio van Doran Kleynhans, Renzo du Plessis en Dean Ballentyne was uitmuntend gewees. Die Vossie het die stryd 30-26 gewen.

Foto 1:  Franco Broodryk van die 1ste span in aksie.

Foto 2:  Doran Kleynhans van die 1ste span in aksie.

 

 Vossies bobaas op Buffelpark

 03 Sep 2019 @ 00:00:00

Beide die Vossies se sewesspanne was die naweek op Buffelpark gekroon as die Limpopo seweskampioene. [ Lees meer . . . ]

 Vossies word GEKROON as Virseker Beker Plaatafdeling Kampioene

 21 Aug 2019 @ 00:00:00

Die Hoërskool Ben Vorster is Saterdag, 17 Augustus, gekroon as die Virseker Beker Plaatafdeling Kampioene in Alberton. Die Vossies het teen Hoërskool Eldoraigne van Pretoria te staan gekom in die kragmeting. [ Lees meer . . . ]

 Nuwe posisie vir Vossie skeidsregter!

 22 Jul 2019 @ 00:00:00

Mnr. Regardt Kleingeld, leerkrag en rugby-breier van Die Hoërskool Ben Vorster, is ook ‘n kranige rugbyskeidsregter verbonde aan die Limpopo Skeidsregters Vereniging. [ Lees meer . . . ]

 Vossies “VIRSEKER” van Virseker semifinale

 22 Jul 2019 @ 00:00:00

Die Hoërskool Ben Vorster, wat verlede jaar nog in die Skild Afdeling gespeel het, het hierdie jaar in die Plaat Afdeling ‘n trappie hoër sy stempel afdruk en is seker van twee semifinale in die Top 17-skole in die hele Noordvaal. [ Lees meer . . . ]

 Vossie rugby het ‘n gemengde dag op die veld!

 21 May 2019 @ 00:00:00

Die Vossie se O/14A-span was die beter span op die dag, maar is deur ‘n paar beslissings gekniehalter. DA Swart, die Vossies se kaptein, het van voor gelei en was uitstekend gewees. [ Lees meer . . . ]

 Vossies beklink sege in doodsnikke

 14 May 2019 @ 00:00:00

Die Vossies het op Saterdag, 11 Mei, net weer bewys dat ‘n Vossie nooit opgee nie. Ben Vorster se O/14A-span het gewys dat Vossie se junior rugby gesond is. [ Lees meer . . . ]

 Vossie-wintersport neem vriendskaplik deel teen Hoërskool Menlopark

 16 Apr 2019 @ 00:00:00

Die Vossies was die afgelope naweek in ‘n harde stryd teen Hoërskool Menlopark van Pretoria en het aan vriendskaplike wedstryde deelgeneem. Hoërskool Menlopark, een van die mega skole in die Noordvaal, het Die Hoërskool Ben Vorster se sport spanne omtrent laat werk om enige punte op die telbord te kry. Die Vossies het wel karakter gewys en nie gaan lê nie. [ Lees meer . . . ]

 Groen en Goud vir rugbyspelers

 28 Feb 2019 @ 00:00:00

Christiaan Smit en Renzo du Plessis, leerlinge van die Hoërskool Ben Vorster, verruil die rooi en wit vir die GROEN EN GOUD! [ Lees meer . . . ]

 Grootvlei rugbytoer te Engeland en Skotland

 15 Oct 2018 @ 00:00:00

Gedurende die September/Oktober vakansie het 14 seuns van Ben Vorster se Inyathi’s tesame met hul hoof-afrigter, mnr. Sakkie Vermeulen, na Engeland en Skotland saam met Grootvlei Rugby Akademy getoer. [ Lees meer . . . ]