Hoërskool Ben Vorster | Tzaneen Hoërskool | Tzaneen High School

Skyfskiet

Jy moet bo-gemiddelde konsentrasievermoë en senuwees van staal hê om ‘n kampioenskut te wees. By die Hoërskool Ben Vorster kan jy hierdie vaardighede aanleer waarby jy jou hele lewe lank sal baatvind. Skyfskietgewere gebruik saamgeperste lug, nie lewendige ammunisie nie, maar ons skuts word nogtans geleer om die beginsels van wapenveiligheid streng toe te pas. Die afrigter is ten tye van oefening te alle tye teenwoordig. Ons skyfskietbaan is elke weeksmiddag oop vir oefening.

Die Vossie skuts presteer jaarliks uitstekend op provinsiale en nasionale vlak. In 2015 het ons 22 Limpopo skuts opgelewer waarvan 13 skuts gekwalifiseer het vir die Suid-Afrikaanse kampioenskappe. Vier het hulle SA-kleure verwerf en saam met die SA-skolespan na Engeland getoer.

 

Afrigter

Me Anél Griesel, eertydse afrigter van die nasionale skolespan.

 

Affiliasies

 Die skool se skyfskietklub skiet onder die ‘International Shooting Standard Federation’. Dit beteken dat ons skuts by die Olimpiese spele kan gaan skiet indien hulle daarvoor kwalifiseer.

Die skool is ook geaffilieer by die Suid-Afrikaanse Skole Skutters organisasie.

 

Fasiliteite

‘n Binnenshuise skyfskietbaan met agt bane en MPR & CZ-luggewere word gebruik. Slegs platpunt ammunisie word toegelaat.

 

 

 Nuus:

 Vossie skuts kraai koning by die Leeu kompetisie in Louis Trichardt.

 07 May 2019 @ 00:00:00

Op 4 Mei het die Vossies die skuts van Pietersburg Hoërskool, Hoërskool Louis Trichardt, Hoërskool Piet Potgieter en ME Akademie aangedurf en gewys dat hulle ‘n gedugte span is. [ Lees meer . . . ]

 Vossies bied met trots SA-skyfskietproewe aan

 16 Apr 2019 @ 00:00:00

Die Hoërskool Ben Vorster was die afgelope naweek die gasheer vir die SANSSU proewe vanaf 11-13 April 2019. [ Lees meer . . . ]

 Vossie Skuts Mik Sekuur!

 12 Mar 2019 @ 00:00:00

Die Hoërskool Ben Vorster se skyfskietspan het weer gewys waar die teikens se kolskote lê. Hulle is fynskuts, wat hard werk, en het die vrugte daarvan gepluk. [ Lees meer . . . ]

 Vossie-skuts op die wenpad!

 12 Feb 2019 @ 00:00:00

Die skyfskietspan van Die Hoërskool Ben Vorster het die afgelope naweek aan die eerste kompetisie van die jaar te Neos Akademie by Koedoeskop deelgeneem. [ Lees meer . . . ]

 Vossie skyfskietklub huisves afrigterskursus!

 30 Jan 2019 @ 00:00:00

Op Saterdag, 19 Januarie 2019, was Ben Vorster Skyfskietklub die gasheer vir ‘n skyfskietafrigterskursus. Johan Pienaar is ‘n afrigter van Gauteng, en het die ISSF-kursus, wat groot byval gevind het, aangebied. [ Lees meer . . . ]

 Vossies vol vuur op SA’s

 15 Oct 2018 @ 00:00:00

Vossies was soos oudergewoonte op hul beste by die Suid-Afrikaanse skyfskiet-kampioenskappe in Newcastle, wat van 29 September tot 5 Oktober, plaasgevind het. [ Lees meer . . . ]

 Skyfskiet by Limpopo Kampioenskappe

 27 Aug 2018 @ 00:00:00

Die skyfskietjaar is besig om tot ‘n einde te kom en die provisiale hoogtepunt het op 18 Augsutus plaasgevind met die Limpopo Kampioenskappe wat by Hoërskool Ben Vorster aangebied is. [ Lees meer . . . ]

 Maryke verower bronsmedalje vir skyfskiet in Engeland

 27 Aug 2018 @ 00:00:00

Maryke Basson is Hoërskool Ben Vorster se skut wat saam met die SA-Skole Skyfskietspan in Bisley (Engeland), vanaf 30 Julie tot 14 Augustus 2018, gaan deelneem het. [ Lees meer . . . ]

 Maryke Basson haal SA-skolespan in skyfskiet

 16 Apr 2018 @ 00:00:00

Hano Sliep en Maryke Basson, leerlinge van die Hoërskool Ben Vorster, is genooi om aan die Suid-Afrikaanse skyfskietspan-proewe deel te neem, wat in Bloemfontein, van 12-14 April plaasgevind het. [ Lees meer . . . ]

 Vossie-skuts presteer!

 13 Mar 2018 @ 07:58:52

Die afgelope Saterdag, 10 Maart, het die Hoërskool Ben Vorster aan die Rhino-kompetisie te Mokopane saam met MEA, Pietersburg Hoërskool, Hoërskool Louis Trichardt en Hoërskool Piet Potgieter deelgeneem. [ Lees meer . . . ]